1.a – ein listaflokkur
1.a er valdur til at arbeiða við list burturav. 3 tímar um vikuna fara næmingarnir í arbeiðsskjúrtuna og skifta skriviamboðini út við tekniamboð, penslar, hamarar, leir osfr.Arbeiðsuppgávurnar eru fjølbroyttar og skulu føra næmingarnar inn í eina listaverð, har hendur og hugflog verða frígivin við alkyns litum og teknikkum.
Lyklaorð í undirvísingini eru:
at uppliva list
at skapa list
at seta orð á listina
Á henda hátt gerst listin bæði mennandi fyri næmingarnar motoriskt og persónliga.
Tað er týðandi fyri næmingarnar, at teir í sínum arbeiði hava eina góða og jaliga uppliving.
Næmingarnir í 1.a hava verið glaðir fyri tímarnar í list. Eftir jólafrí komu teir so ernir í skúla og greiddu frá vøkru málningunum, sum nú hingu á stovubróstinum.
Spennandi verður, nú næmingarnir eru betur innskúlaðir, at fara á gátt hjá okkara lokalu listarfólkum. Og tá so lýðkan aftur kemur í luftina, liggja skitsublokkarnir klárir og bíða eftir okkum at fara út á tekna og mála.
